Mizo Dance Camp Summer Intensive ṭan dawn
Mizo Dance Camp chuan kar khat awh tur Summer Intensive Program chu vawiin tlai dar 3 hian a ṭan dawn. He Summer Intensive-ah hian kar tluanin class hrang hrang - contemporary, ballet, jazz leh hip hop-ah te a awm dawn a, June 3 hian khar a ni ang a, kharnaah hian Mini Showcase leh Audition te neih a ni ang.
Summer Intensive Program kar khat awh turah hian, in-register te hi Beginners, Intermediate leh Kids program-ah te hen hran an ni ang a, Beginners hi a hmaa lâm la zir ngai lo leh, experience duh hrim hrim te tana tih a ni. Intermediate hi lâm ṭhang, MDC Class attend tawh ṭhin te leh, training pawh advance deuha lak huam te tana tih a ni. Programme tin hian nitin class hnih zel an nei dawn a, tlai dar 3 aṭanga dar 5-ah hian class te hi neih ṭhin a ni ang.
Zirtirtu tur te hi Alan Rinawma, Glimmer Chhandami, Zuala Hmar leh Rimanna Khawlhring te an ni. Anni hian style hrang hrang te hi an zirtir ang a, zirlaite hnenah Choreography an zirtir bawk dawn a, choreography an zir te hi Mini Showcase-ah hian zirlai te hian an perform dawn a ni.
Mizo Dance Camp Team Audition hi June 3, chawhnu dar 1 hian MDC Studio Electric Vengah neih a ni dawn. He audition hi MDC Team member nih theihna chance a ni a, audition pe te hi Dance Choreography zirtir an ni ang a, darkar chanve chhung lek zira an rawn lâm chhuah thiam dan te, an musicality leh potential aṭang ten thlan an ni ang. Audition pe tur te tan hian Registration fee hi Rs. 100 a ni a, Summer Intensive-a training neia in-register te tan fee hi pek leh hranpa a ngai lo ang. Summer Intensive kar khat awh tur hi a vaiin Rs. 500 a ni.