Mathlenga Dingdi nen a ding chang

Mathlenga hla thar ‘Zawlkhaw Dingdi’ hi Rosangkima Tochhawng phuah a ni a, Rosangkima To­chhawng hi 1980 chhoa zaithiam kan hriat lar ṭhin kha a ni a, kum 1993 khan he khawvel hi a chhuahsan ta. He music video hi a fapa Rothangzuala nena hriatrengna atana siam a ni.

‘Zawlkhaw dingdi’ hla hi kumin March thlaa tihchhuah ṭan kha a ni a, Ṭhazual chart-ah hian March 20 khan 10-naah a rawn lang ṭan. April 3 khan pariatnaah a kai chho a, chumi hnuah palinaah awmin, pathumnaah a rawn chho a, pa­hnihna kal kânin pakhatnaah a rawn kai ta a ni.

Intonation hla ‘Tlai khat’ chu pakhatnaah a kai mai dawn emaw kan tih laiin pahnihnaah bawk a

ṭhu leh a, a hmaa pakhatna pawh lo luah tawh, Aziri hla ‘Eng vangin nge?’ chu pathumnaah a la awm.

Top 10 aṭangin Michelle Varte hla ‘Sakhmelṭhachuang’ chu a chhuak a, Laithangpuia Kullai hla ‘Tawn leh ka nuam’ chu a chhuak bawk. Michael M. Sailo-a hla record hnuhnung ber ‘Thinlai Hnemtu’ chu palinaah a rawn lang thar a, Manuna hla thar ‘Duhaisam’ pawh 10-naah a rawn lang thar bawk.

Ma-i Store Ṭhazual

1 Mathlenga - Zawlkhaw Dingdi

2 Intonation - Tlai khat

3 Aziri - Engvangin nge

4 Michael M Sailo - Thinlai Hnemtu

5 Casey’s Secrets - Duhaisam

6 C Sanga - Lungrunpui

7 Marshall FK ft Ruatfeli - Fahrah nun

8 Feli Fanai - Theih chang se

9 Pantei - Tawnmang

10 Manuna - Duhaisam