Pirates film thar a hlawhtling

Pirates of the Caribbean thar ber, Dead Men Tell No Tales chu North America-ah chauh ni loin, khawvel pumah a che ṭha a, ram hrang hrang box office-ah pakhatna a luah.

North America bikah chuan Pirates of the Caribbean: Dead Men Tell No Tales hian kar tawp ni thum chhung khan USD mtd 62.2 a lalut a, Memorial Day-a a lakluhte nen chuan USD mtd 76.6 zet a lalut tling tawh a ni. He film-ah hian Johnny Depp a chang leh a, Javier Bardem te pawh kan hmu. Khawvel ram dangah pawh sum a hmu hnem viau a, ram dang aṭanga sum a lakluh zawng zawng hi USD mtd 208 zet a tling tawh.

Guardians of the Galaxy Vol. 2 pawh a la hlawhtling chho a, kar tawp ni thum chhung khan USD mtd 19.9 zet a la lalut thei a, sum lalut hnem pahnihna a la ni pha. He film hian North America aṭangin USD mtd 333 zet a lalut tling tawh.

A changtute aṭanga en mai chuan sum lalut hnem viau tura ngaih Baywatch chuan rin a pha lo deuh. The Rock te, Zac Efron te channa, Baywatch film hian kar tawp ni thum chhung khan North America-ah USD mtd 18.1 a lalut a, Memorial Day-a a lakluh te nen chuan USD mtd 22 a lalut.

Box office movies

“Pirates of the Caribbean: Dead Men Tell No Tales” - $mtd 62.2

“Guardians of the Galaxy Vol. 2” - $mtd 19.9

“Baywatch” - $mtd 18.1

“Alien: Covenant” - $mtd 10.5

“Everything, Everything” - $mtd 6.2

“Diary of a Wimpy Kid: The Long Haul” - $mtd 4.4

“Snatched” - $mtd 3.9

“King Arthur: Legend of the Sword” - $mtd 3.2

“The Boss Baby” - $mtd 1.7

“Beauty and the Beast (2017)” - $mtd 1.6