Gaming News ; FIFA 23 leh a chhehvel

23rd July, 2022

EA Sports game lar FIFA 23 trailer chu Nilaini khan tihchhuah a ni ta, FIFA tih hming pua EA Sports-in football game an tihchhuah hnuhnung ber tur hi September 30-ah tlangzarh a ni dawn. Pre-order te chuan September 27 aṭangin an khel thei dawn nia tarlan a ni bawk.

FIFA 23 women's league
FIFA 23-ah hian a vawi khatna turin hmeichhe major league pahnih- FA Women's Super League leh French Division 1 Féminine an dah tel dawn. Hemi vang hian FIFA 23 cover-ah pawh a vawi khatna atan hmeichhia an lang tel a, Chelsea star Sam Kerr chu Kylian Mbappe kiangah hmuh tur a awm a nih kha.

Hmeichhe league lam hi EA hian hun lo la kal turah chuan dahbelh zel an tum dawn a ni.

World Cup
EA Sports hian World Cup mode pahnih an dah dawn. Hei hi chu an tlangzarh hnuah game update hmangin an rawn dah belh dawn a, sum chawi belh a ngai dawn lo niin an sawi. Kum tawpa 2022 FIFA Qatar World Cup neih tur behchhanin Mipa World Cup hi an siam dawn a, 2023 FIFA Women's World Cup behchhanin hmeichhe world cup chu an siam thung ang.

Feature thar 'cross-play'
Feature thar neuh neuh a awm leh dawn tih chu chiang sa a ni a, chung zingah chuan 'cross-play support' an rawn dah belh hi ngaihven hlawh zual tura rin a ni. Hei hi platform hrang hrang aṭanga khelh pawhin gameplay a smooth theihna tura tih a nih thu an tarlang a, mahse 1v1 mode-ah chauh a hman theih dawn niawm tak a ni.

FIFA 23 chuan Hypermotion2 Technology an hmang dawn a, chu chuan motion capture system ṭha zawk a siam an beisei. Trailer aṭanga a lan dan chuan 'control scheme' bakah freekick pet dawna layout pawh an tidanglam niin a lang.

Chutichuan...
Pre-order theih a ni tawh a, Epic Games Store kaltlangin a lei theih tawh dawn bawk. Standard Edition chu Rs. 3,499 aṭanga inṭanin PC-a khelh tumte tan chuan Steam leh Epic Games kaltlangin a lei theih dawn, PS4 leh Xbox One-ah chuan Rs 3,999 man a ni a, PS5 leh Xbox Series S/X-a khelh tumte tam chuan Rs 4,499 laiin an lei a ngai dawn thung.

FIFA 23 Ultimate Edition chu Steam leh Epic Game Store aṭangin Rs 4,799 man a ni thung a, Xbox Store leh PlayStation Store-ah phei chuan Rs 6,499 man lai a ni.

I ngaihdan a ni ve mial em?
FIFA (game) fakawmna awm chhun nia ka hriat chu, kum tinin game ngai chiah mi an leitir zel thei hi a ni! - YouTube Comment

FIFA 23 minimum PC system requirements:
OS : 64-bit Windows 10
Processor (AMD) : Ryzen 5 1600 or equivalent
Processor (Intel) : Core i5 6600k or equivalent
Memory : 8 GB
Graphics card (AMD) : Radeon RX 570 or equivalent
Graphics card (NVIDIA) : GeForce GTX 1050 Ti or equivalent
DirectX : 12 Compatible video card or equivalent
Online Connection Requirements : 512 kbps or faster Internet connection
Hard-drive space : 100 GB