Billie Eilish-i'n fan-te a barakhaih Hla pahnih a drop thut!

Billboard 200 chart topper album 'Happier Than Ever' a tihchhuah aṭang khan kum khat em pawh a la liam lo. Mahse, chu chuan Bilie Eilish chu hla thar tichhuak turin a dal chuang lo. Ningani khan puangzar lawk loin hla pahnih 'TV' leh 'The 30th' tih chu a tichhuak.

Heng hla pahnih hi Guitar Songs tia sawiin, a tihchhuah pah hian Instagram lamah Eilish chuan, "a little surprise for youuuuuuuu……," tih ziakin,"Heng hlate hi ka tan chuan an hlu hle. In ta a ni ta hi ka lawmpui lutuk che u," tiin a ziak bawk.

Apple Music 1 Zane Lowe nen an inkawmnaah '30th' an tihchhuah chungchang hi sawiin,"Nov. 30-ah eng emaw a thlen vang a ni a, hmuh leh tawn a ni chunga thil sawifiah har ber a ni e," a ti. 'TV' erawh hi chu tun nipuia European concert-a a lo sak tawh kha a ni thung.

Heng hla pahnihte hi streaming platform hrang hrangah a ngaihthlak theih tawh a ni.