Red Hot Chili Peppers-in kuminah album tlangzarh leh dawn!

Red Hot Chili Peppers frontman Anthony Kiedis chuan kumina a pahnihna turin studio album 'Return of the Dream Canteen' an tlangzarh leh dawn tih a sawi.

He album hi October 14-ah an tichhuak dawn tih sawiin, April thlaa an tlangzarh platinum hiala puan tawh 'Unlimited Love' producer Rick Rubin bawkin a produce leh dawn. Rick Rubin hi an classic album hit 1991-a tihchhuah 'Blood Sugar Sex Magik' leh kum 1999-a mi 'Californication'-te produce-tu tho kha a ni.

Inrinni zan khan RHCP hian ticket an hralh zawh vekna show Empower Field, Mile High show-ah neiin chutah chuan hemi chungchang hi an sawi chhuak.

RHCOP hian John Frusciante-a'n a rawn zawm leh hnua an album hmasa ber 'Unlimited Love' chu April khan tichhuakin Billboard 200 chart-ah pakhatna an nihpui hial a ni.