Manchester-ah Ariana tawiawmtu tur an lian

Ariana Grande chuan Manchester khawpuia a concert-naa bomb puak avanga tuartute leh an chhungte ṭanpuina tura concert a neih turah amah ṭawiawmtu turte an lian hlawm hle.

Ariana Grande hian Manchester khawpui­ah hian charity concert a buatsaih leh dawn tih a puang a, a puan hnu lawk hian khawvela zaithiam langsar tak takten an ṭawiawm tur thu an puang ve lehnghal. Ariana Grandeṭawiawmtu turte chu Justin Bieber, Katy Perry, Miley Cyrus leh Coldplay te an ni.

Concert hming tur hi ‘One Love Manchester’ tih a ni dawn a, June 4 hian buatsaih a ni ang. Concert buatsaihna tur hi Emirates Old Trafford cricket stadium-ah a ni a, he stadium-ah hian mihring 50,000 an leng.