Antiobiotic Resistance hmangin Ph.D. hmu

Mihring leh ranah thleng antibiotic kan hman nasat tak avangin natna hrik tam tak chuan an do let thei tawh. Hemi chungchang, antibiotic resistance zirchianna hmangin Belinda Lallawm­kimi Vang­chhia D/o Joseph Lalchhuana, Dawr­pui Vengthar chuan Australia National University, Canberra aṭangin Microbiology-ah Ph.D. a hmu. Australia National University hi khawvel huap pawha university ṭha ber zinga mi a ni.

Antibiotic resistance hi tunlai khawvel a natna hlauh­awm leh thihna thlen nasatu a ni a, UN pawhin a buaipui nasa hle. India hi Antibio­tic resistance-ah hian kan sang zual bik hle a, antibio­tics hman dan kan thiam loh avang a ni ber. Natna tam tak - Scepticemia te pawh hi Antibiotic resistance vang a ni.

Belinda leh an professor, David Gordon te hian hman ni deuh khan bacteria chi khat, E.coli, antibiotic do thei tawh chu arsaah a awm tih an hmuchhuak a, chutiang arsa chu mihringin a eiin doctor-te tan enkawl an harsa tawh hle tih an hmuchhuak bawk.