Summer Sports 2017 tan ta

Mizoram pawna lehkha zir Mizo ṭhalaitena Summer Sports 2017 an buatsaih chu Ramhlun Sports Complex-ah ṭan a ni a, June 3 thleng a awh ang.

Nimin khan football, basketball, volleyball leh athle­tics events hrang hrang­a inel a ni a, he sports hi Lal­nghinglova Hmar, MFA Hony. Secretary chuan a hawng a; zirlaite chu an zirna hmuna fel taka awm tur leh fel lo deuhte pawh khalh ngil tum turin a chah.

Kumin Summer Sports hi Kolkata Mizo Students ten mawhphurhna laa an huaihawt a ni a, India ram khawpui 11 a zirlaite an inel. Kolkata khawpuia zirlaite bakah Allahabad, Bengaluru, Chandigarh, Chennai, Dehradun, Delhi, Hyderabad, Mumbai, Pune leh Shillong-a mite an tel. Summer Sports hi Delhi MZP ten kum 2003 khan Aizawlah an huaihawt ṭan a, hemi hnu hian khawpui hrang hranga zirlaiten a inchhawkin an huaihawt ta ṭhin a ni.