Chris Cornell record-te hralh an kal thar
Chris Cornell chu a thih hnuah a album-te hralh a kal thar leh hle a, a hma aia an hralh hnem zawkna hi za zelah 2,396 zet a tling.
May 18-a thi Chris Cornell-a band, Soundgarden-in kum 1994-a album an tihchhuah Superunknown chu Billboard 200-ah 32-na aṭangin 28-naah hma a rawn sawn a, Cornell-a zaina hla awmna, Singles movie soundtrack chu 33-naah a rawn lang thar leh bawk. Audioslave-in kum 2002-a an tihchhuah album Audioslave chu 54-na aṭangin 37-naah a rawn kai leh bawk. Singles film soundtrack hi nikum aṭang tawh khan tihchhuah thar leh a nih tur thu an lo puang tawh a, May 19 khan deluxe format-a tihchhuah leh a ni.
A pumpuiah chuan Cornell-a kaihhnawih album pariat lai mai Billboard 200 chart-ah hian a lang mek. Top 40-a lang pha lo zingah Soundgarden album Badmotorfinger, Temple of the Dog album chu 80-naah, Cornell-a live album Songbook chu 82-naah, Cornell-a studio album hnuhnung ber Higher Truth chu 155-ah a rawn lang thar a, Soundgarden album Down On the Upside chu 158-naah a lang bawk.
May 25 thleng khan Cornell-a album leh hla an hralh zawng zawng hi copy 421,000 zet a tling. Audio leh video-a stream pawh nasa takin a pung a, a hmaa maktaduai 10.1 chauh an stream kha May 18 aṭanga May 25 inkar chhung khan maktaduai 81-ah a kai chho bawk.