Netflix series lar panga english ṭawng hmang lote

English hi khawvela ṭawng lar ber a ni tih chu phat rual a ni lo a, hrethiamtu pawh an tam ber ang. Chumi a nih avang chuan english hmang series leh movie-te hi chu khawvel pawhin a ngaihlu ṭhin a, entu pawh an tam ṭhinin khawvel huap pawhin an lar hneh ṭhin hle. Chutiang chu ni mah se heng series kan tarlante erawh hi chu english series an ni lo a, mahse khawvel pumah ngaihhlut an hlawh. En duh tak Netflix lamah a awm vek a, awlsam tein a en theih bawk.

German science-fiction serial dangdai tak Dark hi tunlaia khawvela serial lar ber zingah a tel a, social media lamah pawh Dark leh a chhehvel hi hmuh tur a tam. Time travel lam tuipui tan phei chuan en hmaih chi a ni lo. Netflix-ah en theihin a awm reng a, season 3 thleng awmin a vai hian a en theih tawh a ni.

Spanish drama serial Money Heist pawh hi a lar zia chu ṭhalaite chuan an hre awm e. Kum 2018 khan english ṭawng hmanna ni lo series zinga en hlawh ber a ni a, Netflix-ah phei chuan entu tam ber zingah a tel. Season li siam a ni a, Netflix-ah a stream theih reng a ni.

Belgian Netflix series Into the Night pawh hi khawvel pum huapin a lar hle. NATO sipai pakhatin thlawhtheihna a hijack dan leh a chhehvel film hian entu a ngah hle. July 1 aṭang khan season 2 a en leh theih tawh.

Fauda hi chu Israeli television series lam a ni daih mai. Season thum awmin a vai hian a stream theih reng a ni.

Hei pawh hi Spanish a ni a, American series Gossip Girl ang deuh kha niin high school naupang ho chetla a ni a, thriller lam pawh a hawi deuh a ni. Season 3 thleng Netflix lamah a stream theih mek a, Season 4 leh 5 pawh an la siam leh dawn niawm tak a ni.