Adidas tan Kendall ding dawn

Pepsi faknaa a lanna nasa takin an sawisel a, thupha pawh Pepsi-in an chawi phah hial a nih kha. Tunah thung chuan Kendall Jenner hian Adidas lam a hawi ta thung a, tun chinah chuan Adidas tan he nula chhe lo tak hi a ding tawh dawn.

Kendall Jenner hi Adidas chuan an ambassador-ah an hmang a, Kendall hian Instagram kaltlangin he thu hi a puang chhuak. Adidas lam pawhin an palai, an thilsiam chhuahte faktu atan Kendall Jenner an hmang dawn tih hi an puang chhuak ve bawk.

Kendall Jenner te chhungkua leh Adidas hian inzawmna ṭha tak mai an nei a ni ber ang chu, Kendall bakah hian a chhungte zinga mi Adidas tana thawk an awm nual. An makpa Kanye West chu Adidas nena thawkdunin, Yeezy line a tichhuak a, Kylie Jenner pawh a ni tho. Adidas hian milar an hmang nasa a, Rihanna, Pharrell Williams leh Karlie Kloss te pawh an thawhpui.