Honda BigWing Ṭhazual Gospel ; Amosa Vocal Point pakhatna an ni

Honda BigWing Ṭhazual Gospel chart-ah Amosa Vocal Point chu pakhatna an ni a, an hla 'Kraws, kei mi chawngsangtu' chu pakhatna an nihpui.

'Kraws, kei mi chawisawngtu' hla hi chu kan hre furin a rinawm. He hla mawi tak hi June thla chawhma lamah khan tunlaia Gospel group lawm hlawh tak Amosa Vocal Point-te hian music video hmuhnawm tak nen rawn tichhuakin, rei loteah chart-ah lang nghalin tunah phei chuan pakhatna an rawn ni ta der mai.

Pahnihna chu Mizo Idol Jerry Lalrinawma niin a hla hit tak 'Thlarauvin min hruai la' chu pahnihna a nihpui mek. He hla hi a sa thiamin a sa mawi bawka, pakhatna a nihpui thuai dawn tih a chiang.

Kristian Ṭhalai Pawl, Ramhlun North Branch 'Lawmthu hril ru' chu pathumna an ni a, chart hmasa lamah khan pasarihna niin pathumnaah an rawn inhlangkai der tawh bawk.

Bethsy Lalrinsangi ft Rindika Zadeng 'Vanram ngaihtuah hian min tilawm a' chu palina a ni a, Lalthansangi chuan 'Ram ropui tak lo thleng tur' chu top 5-ah a rawn inhlankaipui ve bawk a ni.

Ṭhazual chart top 10-ah hian Tharpuia Hnamte, Hlimhlimi, One in Christ, Fall Profane leh Thawhlehnaniropuia-te pawh an lang a ni.