Blackpink music video thar Zirtawpniah

Blackpink chuan Zirtawpni hian an music video thar 'Ready For Love' chu an tichhuak dawn.

Social media kaltlangin hemi chungchang hi an puangzar a, a teaser poster nen hemi chungchang hi an puangzar a ni.

July thla khan YG Entertainment chuan thuchhuah siamin Jisoo, Jennie, Rosé leh Lisa-te chuan album thar recording an zawh fel ṭep tawh thu an lo tarlang tawh a, PUBG Mobile in-game concert hmasa berah Blackpink hi inlan bawkin hetah hian 'Ready For Love' pawh hi an hla sak zingah a tel.

PUBG Mobile in-game concert hi North leh South America-ah chuan July 23-24 khan tihchhuah a ni a, July 30 leh 31 hian ram dang zawngah an pe chhuak leh dawn a ni.