Ariana-i'n 'One last time' a tlangzarh leh
Pathianni zan khan Ariana Grande leh zaithiam rual dangte chuan 'We Love Manchester Emergency Fund' atan Manchester khawpuiah concert an nei leh a, Ariana Grande hian Manchester-a a concertṭuma bomb puak tuartute leh anchhungte tan a hla hit 'One last time' chu a tlangzarh nawn leh.
Pathianni zana concert-ah hian Ariana Grande bakah Justin Bieber, Coldplay, Katy Perry, Miley Cyrus, Pharrell Williams, Take That, Niall Horan, Little Mix, Robbie Williams leh Black Eyed Peas te an zai tel.
Inrinni khan Ariana Grande hian a concert ṭuma bomb puak avanga hliam tuarte chu a tlawh bawk. We Love Manchester Emergency Fund tan hian Ariana Grande label, Universal Music Group chuan £ 390,000 (USD nuai 5) a thawh a, a pumpuiah We Love Manchester Emergency Fund atan hian £ maktaduai 7 an hmu tling tawh a, Ariana te concert-a mi chhiar tel a la ni lo. Liverpool FC chuan an fan-te chu ui loa sum pe turin an ngen bawk.