Carlos Santana damna chu Pathian

Musician lar leh hmingthang Carlos Santana hian vawi tam tak intihhlum a tum tawh a, amaherawhchu tun thlenga nungdama a la awmna chhan chu Pathian vang liau liau a ni a ti.

Carlos Santana hian a naupanlai aṭangin harsatna tam tak a tawk a, nupui a neih hnuah nun thar a chhar chauh. A chanchin a sawi a, naupang tê a nih laiin a pain a kalsan a, chumi hnuah, kum 10 mi lek a nih laiin a ṭhianpa pain nasa takin a khawih ṭhin. A harsatna hrang hrang aṭanga tlân chhuah theihna awm chhun nia a hriat ṭhin chu thihna a ni a, vawi sarih ngawt mai intihhlum a tum tawh a, mahse Pathian khawngaihna a chang ta a ni.

Nupui a nei a, a nupui Deborah avang hian a nun pawh kawng dik lamah a kal chho a, “Ka pianthar dan hi a tir takah chuan ka nupui tihlungawina aṭanga chhuak ni berin ka hria,” a ti. Mahse a nupui hlui Deborah hian a ringhlel ngai lo a, thlarau lama a ṭhanlen theih nan nasa takin a pui.

Nupui a ṭhen hnuah a nunhlui lamah a kir leh a, chutianga nun hreh­awm pangngaia a let leh lai chuan tualchhung kohhrana a inkhawmnaah Isua aw a hre ta a ni. Chu aw a hriataṭang chuan midang ngaihdamna pawh a zirchhuak a, tunhma aṭanga mi a lo ngaihdam theih loh ṭhinte pawh a ngaidam thei ta a ni.