Snoop Dogg-a’n One Direction inzawmkhawm leh turin a duh
Rap legend tia an sawi ṭhin Snoop Dogg chu One Direction chungchangah a ṭawng chhuak ve tlat; One Direction hi inzawmkhawm leh se a duh a, inzawmkhawm leh hram turin a nawr.
Snopp Dogg-a’n inzawmkhawm leh tura One Direction member a duhna chhan hi a dik ve tlat. Tunah hian he band member -Niall Horan, Liam Payne, Louis Tomlinson leh Harry Styles te hi solo-in an kal hlawm rih a, an thawm pawh a lian viau, mahse Snoop Dogg hian band angin cheho leh se a duh.
“An la naupan lai hian an tiho leh tur a ni; kum 40 an tlin hnuah he boy band hi rawn let leh se, tuman engkhaw khaah an ngai vak tawh lo ang,” a ti, a dik hle. Tuna an la naupan lai hian band angin kal leh se, an hlawhtling rih zawk ang a ti a ni. “Kum hnih kum thum vel lo awm turah hian an inzawmkhawm leh chuan a hma ang level-ah khan an la awm thei ang a, USD mtd 20 aṭanga mtd 30 vel diat diatte chu an la thawk chhuak thei khawp ang,” a ti. Kum 40 an tlin tawh hnuah a nih chuan eng ruai an an a ring tawh lo.