Bollywood tana Hollywood-ah beih nasat a ngai

Priyanka Chopra hi Baywatch-ah a chan hnuah chanchin a ngah a, khawthlang ram chan­chinbute hnenah India mite tana harsatna hrang hrangte a sawi chhuak. Heng a thil sawi chhuahte hian Bollywood actor-te tan nakin zelah kawng a awlsam phah zawk ngei ang.

Priyanka Chopra hian Hollywood hian Bollywood-ah ngaihdan neih sa a nei tlat a, chumi avang chuan beih nasat a ngai niin a sawi. “Engtik lai pawha beiha hmachhawn ngai chu ngaihdan nghet sa awm tlat hi a ni. Hemi ṭhiat tur chuan mipuite zirtir a, mainstream part-a Indian lemchang thiam­te kan hmuh hnem hi a pawimawhin ka hria,” a ti.

Kum 34 mi Priyanka chuan, entertainment industry-ah chi tin hi inpawlh lehzual ngai a tih thu a sawi a, “Entute leh mipuite pawh hian part pawimawh changtuah mi chi hrang hrang an awm theih nan anmahni an inhawn a ngai a ni,” a ti. “India chungchangah te, Hindi film chungchangah te hian ngaihdan nghet sa hi a awm a, tunah chuan Hindi movie hi industry lian tak a ni tih kan hre tawh nachungin, India mite an ngaihdan ṭhin kha mite thinlungah hian a la bet tlat a, a la reh thei lo a ni,” a ti.