Parema hlain pakhatna a luah

ICFAI Ṭhazual Fakna chart tihchhuahah Parema hla ‘Hmangaihtu Isua’ chu pakhatnaah a rawn lawn chho ta a, thilmak leh beisei piah lam erawh a ni lo.

Tunlai hla phuahtu lar berte zinga mi, cancer natna avang enkawl mek Parema hla phuah ‘Hmangaihtu Isua’ pakhatnaa a rawn lang hi thilmak a ni lo a, he hla hi a ṭhat mai piah lamah a satute hi Gospel huang chhungah chuan a ṭha ber ber an ni tlat.

‘Hmangaihtu Isua’ hla hi Parema’n a phuahna a rei tawh a, music video erawh chuan an ti­chhuak lawk lo a, April thla tir khan an tichhuak chauh a ni. He hla hi tunlaia zaithiam lar ber ber - Zoa, Henry Varte, Stacy, Hlimhlimi leh Mawitei te sak a ni a, a music hi slow rock lam rawngkai a ni. April thla tira dah kha a ni a, May 8 khan pasarihnaah a rawn lang ṭan. Paruknaah kai chhoin, parukna aṭangin pakhatna a rawn thleng a, Ṭhazuala ṭum thum a lannaah pakhatna a rawn thleng thei a ni.

Hlimhlimi hla ‘Inenfiah rawh’ tih chu pahnihnaah a rawn chho a, a hmaa pakhatna luahtu Sangtei Renza hla ‘Hnehna hla’ chu pathumnaah a chhuk thla thung. Pasarihna aṭangin Amtea hla ‘Ka hming a hria’ chu palinaah a rawn kai a, Grace-i hla ‘Krossah chuan’ tih chu panganaah a chhuk thla bawk. Top 10 aṭangin Sawmtea hla ‘I tan ka hlan’ chu a chhuak a, Zorinsanga hla ‘Fak leh dil hun’ chu 10-naah a rawn lang thar.

ICFAI Ṭhazual Fakna

1 Parema Hla - Hmangaihtu Isua

2 Hlimhlimi - Inenfiah rawh

3 Sangtei Renza - Hnehna Hla

4 Amtea - Ka hming a hria

5 Grace Lalchhanhimi - Kross-ah chuan

6 TBC Zaithanpuia - Zawh ka zuam lo

7 Adonai’s Choir - Ka van in

8 One In Christ - Chhum zin lohna

9 Seraphic Choir - I ta ka ni

10 Zorinsanga - Fak leh dil hun