Wonder Woman - mipui inthurualna

DC Comics behchhan film, Wonder Woman chu North America-ah tihchhuah a ni a, North America mipuite an inthurual hle a, sum pawh an beisei aia tam fe mai a lalut.

Gal Gadot channa Wonder Woman film hian kar tawp ni thum chhung khan USD mtd 100.5 zet a lalut a, an beisei zat a khum chiang a, analyst tena hmuh an beisei zat chu USD mtd 80 aṭanga 90 vel a ni a, studio beisei phei chuan USD mtd 65 aṭanga USD mtd 70 vel chauh a ni.

Sum hmu chhuak hnem viau mah se, superhero film tunhnaia tihchhuah ho erawh a tluk pha lo thung. Suicide Squad khan USD mtd 133.7 lai chawlhkar khatnaah a hmu a, Batman v. Superman: Dawn of Justice khan USD mtd 166 a hmu. Hmeichhe director hnuaia movie tihchhuah tawhah chuan North America-a chhuah hmasak ber chawlhkara sum lalut hnem a ni tho a, a hmaa record siamtu chu Fifty Shades of Grey kha a ni a, USD mtd 85.1 a lalut. Ram dangah pawh Wonder Woman hi a hlawhtling hle a, kar tawp ni thum chhung khan USD mtd 122.5 a hlawh chhuak.

Captain Underpants: The First Epic Movie chu pahnihnaah a awm a, USD mtd 23.5 a lalut a, hei pawh hi beisei aia thleng sang a ni a, DreamWorks Animation kutchhuak a ni a, USD mtd 20 vel lalut tur beisei kha a ni. Pirates of the Caribbean: Dead Men Tell No Tales chu pathumnaah awmin USD mtd 21.6 a lalut.

Box office movie-te

“Wonder Woman” - $mtd 100.5

“Captain Underpants: The First Epic Movie” - $mtd 23.5

“Pirates of the Caribbean: Dead Men Tell No Tales” - $mtd 21.6

“Guardians of the Galaxy Vol. 2” - $mtd 9.7

“Baywatch” - $mtd 8.5

“Alien: Covenant” - $mtd 4

“Everything, Everything” - $mtd 3.3

“Snatched” - $mtd 1.3

“Diary of a Wimpy Kid: The Long Haul” - $mtd 1.2

“King Arthur: Legend of the Sword” - $mtd 1.17