One Love Manchester-a zaiten an hlawkpui

Midangte tan sum tuakin an zai a, pawisa tam tak an chân angin a lang na a, a lehlamah hlawhtlinna an chang thung. Manchester concert-a zaite - amah Ariana Grande bakah Justin Bieber, Niall Horan, Coldplay leh Liam Gallagher te chu iTunes lamah an dinhmun a san phah hle.

Ariana Grande bik hian ‘One Last Time’ chu ṭanpuina atan hian tunhnai khan a tichhuak thar leh a nih kha, he hla hi Apple chart-ah chuan pakhatna a ni. A original version pawh khan a hlawhtlin phah a, palinaah a awm.

One Love Manchester cha­rity concert-a zai, Louis Fonsi leh Daddy Yankee hla, Justin Bieber-a feature-na ‘Despicaito’ chu pa­hnihnaah a chho a, Niall Horan-a hla ‘Slow hands’ chu pathumnaah a kai chho a, Black Eyed Peas hla ‘Where is the love?’ chu pangana, Coldplay leh Chainsmokers ‘Something just like this’ chu parukna leh, Liam Gallagher ‘Wall of Glass’ chu pasarihnaah te an lang.

Ariana hian a hlawkpui ber mai. A hla dang pangate chu iTunes chart-ah hian top 40-ah an rawn lang thar leh. He show hi BBC chuan ram 50 chuangah a tichhuak.