Manchester-a zai lo Usher A zai lohna chhan a sawi

Pathianni zana Manchester-a Ariana Grande hoa concert-ah tel tura ngaih zinga mi Usher chu a tel lo. Usher hian a tel loh chhan chu a fapa vang a nih thu a sawi.

Pathianni zana Manchester khawpuia concert-ah hian tel ngei tura ngaih Usher a lan loh avangin zawhna pawh a tam hman hle a, Usher chuan a rawn sawifiah. “Manchester concert-ah khan hmangaihna chu lui angin a luang a ni tih ka hmuhin ka lawm hle. Awm a, tel ve theih ka chak em em a, mahse naupang diabetes natna neiten Camp Kudzu-a summer camp an neih hmasak berah ka fapa a tel ve a ngaih avangin ka kal thei ta lo. Ka fapa tana ni pawimawh tak a ni si a, amah chhuang em emtu a pa tan pawn ni pawimawh a ni,” a ti.

Usher bakah hian Liam Gallagher-a unaupa Noel Gallagher a lang lo bawk. Liam hian a unaupa kal ve theih loh avang hian thupha a chawi.