Apple Music subscriber an tam

Apple chuan Worldwide Developer Conference an nei a, hetah hian Apple Music subscriber list an ti­chhuak. Apple Music hi tunah hian subscriber maktaduai 27 an awm mek a, nikum December khan maktaduai 20 an ni a, maktaduai 7 ngawtin an pung tawh. Apple Music hi kum 2015 June 30-a an launch kha a ni a, tunah chuan an catalogue-ah hla maktaduai 40 vel zet a awm tawh.

Apple Music hian hma a sawn nasa hle a, nikum December thlaa an report-ah khan a hma aiin maktaduai thumin subscriber an pung a, tunah chuan an punna pawh a tam sawt hle. An elpui ber chu Spotify a ni a, Spotify hi an la tluk lo hle a, khawvel pumah Spotify hian paid subscriber maktaduai 50 lai a nei.