K. Lalchamliana A music video thar 'Chertlangpui'

Tunhmaa Mizorama lengzem lama zaithiam kan neih ṭhat leh lar ṭhin, tuna speaker nia Pathian rawngbawla hun hmang ta, K. Lalchamliana music video 'Chertlangpui' tih chu tlangzarh a ni.

K. Lalchamliana hian Pa­thian rawngbawla a hun tam zawk a hman tak avangin music lamah chanchin a ngah ta lo a, a fanu Omomi a rawn langsar tawh mah zawk. Amaherawhchu ama fans club te ṭhahnemngaihna avangin nikum khan album a tichhuak tawh a, kuminah music video kan hmu leh ta. Nikuma album a tihchhuah­ah khan ama hla lar te a dah a, tun

ṭuma a music video thar 'Chertlangpui' hi a khaw chhuahna, Cherhlun fakna leh chawina hla a ni ber.

'Chertlangpui' music video hi I&PR Auditorium-ah D.R. Lalropuia'n a tlangzarh a, a tlangzarhnaah hian zaithiam eng emaw zat an zai a, kal pawh an ṭha hle. 'Cher­tlangpui' music video tlangzarhnaah hian Laltlanchhunga, Raizawka, Lalrinhlui Tlumang, C. Lalawmpuia, HC Sang­lura leh K. Zoremmuana te an zai.

Music video siam a nih theih nana hma latute hi amah K. Lalchamliana chhung te, Cherhlun khawtlang leh K. Lalchamliana fans club te an ni. 'Chertlangpui' music video siam nan hian thla thum chhung zet hun an hmang a, pawisa pawh nuai chuang an seng. Mizo culture hrang hrang pholan a ni a, a hla kalhmang erawh a tunlai hle. He music video hralhna aṭanga sum hmuhte hi ṭanpuina atana hman tur a ni.