Samsung-in Galaxy J series-a mi phone pahnih a launch ta

Samsung phone thar tur, Galaxy J series-a phone pahnih - J5 leh J7 te chanchin a put ru a, chhuah chuai chuai a nih hnuah Samsung chuan heng phone pa­hnihte chanchin hi a sawi chiang a, a launch ta.

Samsung chuan Europe-ah J5 leh J7 te hi a launch tawh a, India pawisaa Euro tlukpui chuan, J5 hi Rs. 19,600 leh J7 hi Rs. 24,600 a ni. Kumin vek hian Samsung chuan Europe-ah J3 an tichhuak dawn tih an sawi bawk.

Galaxy J5 hmai hi inchi 5.2-a hlai a ni a, a pixel hi 720 x 1280 a ni a, AMOLED display a hmang. Processor hi 1.6GHz Exynos 7870 octa-core a ni a, a RAM hi 2GB a ni. Internal storage hi 16GB a ni a, microSD card a hmang thei. Camera hi 13MP ve ve a ni a, a aperture hi f/1.7 leh a hma lam hi f/1.9 a ni. Battery hi 3000mAh a ni bawk. J7 nen hian a spec a inang viau a, J7 hmai hi a hlai hret a, inchi 5.5 niin, a resolution pawh a ṭha hret, 1080 1920 a ni. RAM hi 3GB a ni thung a, battery pawh 3600 mAh a ni.