Ariana ‘One Last Time’ a hit zel

iTunes chart lamah ropuina a chang chho mek a, hei bak hi a la awm cheu a rinawm hle. Ariana Grande hian Manchester khawpuia bomb puak tuartute ṭanpuina tura a hranpa a hla a tihchhuah thar leh ‘One Last Time’ chu chart lamah pakhatna a luah hmel hle.

Old Trafford cricket stadium-a concert an neih hnu lawk darkar 24 chhung khan A­riana Grande-i’n hla a tihchhuah thar leh ‘One Last Time’ chu vawi 15,000 lai download hman a ni. He hla hi iTunes lamah zawrh chhuah reng a ni a, a hralhna aṭanga sum a hmuhte hi ṭanpuina tur a ni a, We Love Manchester Emergency Fund-ah pek luh a ni ang.

‘One Last Time’ hla hi Ariana Grande album pahnihnaa hla awm a ni a, chawlh­kar hnih kal ta khan midweek chart-ah 11-na a ni a, tunah chuan pahnihna a kai chho tawh. Amaherawhchu ni a la tam a, chuvang chuan chart hi a la danglam nasa thei hle a, Zirtawpni thleng a ni ang a, kar leh lamah tunkara hla hralh hnem dan tar chhuah leh a ni ang.