Patty Jenkins-i'n record a siam

North America chauh ni lo, khawvel puma Wonder Woman a hlawhtlin avangin he film director Patty Jenkins chuan Wonder Woman 2 chungchang a sawi chhuak leh nghal. Wonder Woman 2 hi US lamah chan a ni thung dawn nia sawi a ni a, Gal Gadot pawh a chang leh ang. Gal Gadot hi Woman Woman ang hian Justice League an siam leh turah Superman, Batman, The Flash leh Cyborg te nen an lang ho ang.

Wonder Woman hlawhtlin avangin Patty Jenkins chuan record a siam. Hmeichhe director hnuaia tihchhuah zinga hlawhtling ber film tichhuaktu a ni. Wonder Woman film hian North America-ah USD mtd 100.5 zet a lalut a nih kha. North America-ah hmeichhe director zinga ṭum khata sum lalut hnem ber a ni.

Hmeichhe director hnuaia a hmaa sum lalut hnem ber chu Fifty Shades of Grey kha a ni a, kha film khan chawlhkar hmasa berah USD mtd 85.1 a lalut. Twilight chu tunah chuan pathumna a ni ta a, chawlhkar hmasa berah USD mtd 69.6 a lalut.