Games News ; EA-in Black Panther game an siam mek, an ti

Games journalist Jeff Grubb chuan EA chuan Wakanda superhero Black Panther game an siam mek niin a sawi.

He game hi a codename-ah Project Rainier tih hmangin hma an la mek niin a sawi a, single-player open-world video game a ni mai thei tih a sawi bawk.

Kar hmasa lama neih San Diego Comic-Con 2022-ah khan Marvel Studios chuan 'Black Panther: Wakanda Forever' trailer hmasa ber an tichhuak a, chumi hnu lawkah chuan Jeff Grubb hian hemi chungchang hi a rawn sawi ve leh a ni.

Game Mess stream kaltlangin Grubb chuan Black Panther game EA lamin an buaipui mek thu hi a sawi a, game title tur pawh an la ngaihtuah mek tih a sawi tel a, game an 'set'-na tur leh thildang erawh chiang takin a la sawi thei bik lo.