Vivo T1x India ramah zuar chhuak ṭan
Qualcomm Snapdragon 680 SoC hmang Vivo T1x chu nimin chhun aṭang khan India ramah zawrh chhuah ṭan a ni ta.
He budget smart phone hi kar hmasa lamah khan India ramah tlangzarh a ni tawh a, nimin chhun dar 12 aṭang khan Flipkart leh Vivo India online store-ahte zawrh chhuah a ni.
Vivo T1x hi 6.58-inch full-HD+ LCD screen niin 90Hz refresh rate a nei a, octa-core Qualcomm Snapdragon 680 SoC leh Adreno 610 GPU inkawp hmangin 5,000mAh battery a hmang. 18W fast charging a ni bawk.
Rawng chi hnih Gravity Black leh Space Blue an siam a, variant chi thum- 4GB RAM + 64GB storage, 4GB RAM + 128GB storage, leh 6GB RAM + 128GB storage-te awmin 11,999, Rs. 12,999, leh Rs. 14,999 mante a ni hlawm.
Vivo T1x (4G) Key Specs:-
Display 6.58-inch
Processor Qualcomm Snapdragon 680
Front Camera 8-megapixel
Rear Camera 50-megapixel + 2-megapixel + 2-megapixel
RAM 4GB, 6GB
Storage 64GB, 128GB
Battery Capacity 5000mAh
OS Android 12
Resolution 1080x2408 pixels