Marcon-a’n Gulf ramte an buaina chingfel turin a duh

France President Emmanuel Macron chuan Gulf ramte chu an buaina chingfel tura inbiakna nei tura a duh thu a sawi.

Tun hnaiah Gulf ram pali, Saudi Arabia, Egypt, Bahrain leh United Arab Emirates (UAE)-te chuan Qatar ram chu firfiak pawlte thlawpah puhin an inzawmna an chhu chat a ni.

Macron chuan Qatar lal Emir Sheikh Tamin bin Hamad al-Thani, Saudi lal King Salman leh Iran President Hassan Rouhani-te chu a hran ṭheuha biain, remna kawng zawnga inbiakna nei turin a ngen.

Saudi Arabia leh a thurualpui ramte chuan Qatar nena an inzawmnate chu chhu chatin, Qatar chu a policy thlak a, Muslim Brotherhood leh Palestinian Hamas leh firfiak pawl dang a thlawpnate titawp turin an phut. Mahse Qatar chuan Gulf ram dangten an puhna hi a pha thung.