Katy Perry-i’n Swift a bei let

He mite pahnih inkar hi chu chuti taka ṭha a ni ngai lem lo a, Taylor Swift hla ‘Bad Blood’ pawh kha a pian chhuah phah a ni. Taylor Swift nena an inkar chungchang hi Katy Perry chuan a sawi chhuak.

NME chanchinbua chhuah tur atana Katy Perry an kawmnaah Katy Perry chuan Taylor Swift chu ama nihna thah tumah a puh a, tihhmingchhiat a tum niin a sawi. Taylor Swift hla ‘Bad Blood’ chungchang kha Katy Perry chuan a sawi chhuak. Kha hla kha Taylor Swift leh, Katy Perry lo thawhpui ṭhin Max Martin te phuah a ni. Katy chuan, “Max chungchang chu ka sawi thui lo ang a, mahse ‘Bad Blood’-a hlaa a sawi kha Max hian tunge a nih a hre lo a ni,” a ti. “A tih theih leh tih theih loh hrilhtu tur ka ni lo. Ka fair ve tawk a, mi ṭhenkhat ang ka ni lo,” a ti.

Katy chuan, “Tuman ka chanchin lam hi min zawt ve ngai lo. Hetiang thuah reng reng hi chu thil chi thum a awm a, pakhatna, pahnihna leh thudik a ni,” a ti. “Buddha ka ni lo ka tihna a ni a, thil tam tak hian min zar thinrim a ni. Ka biang lehlam han dawh mai theih ka châk ṭhin a, mahse mi tihnuam leh hneh awlsam tak ka ni bik si lo,” a ti.