Louis Tomlinson-a’n record deal thar a nei ve ta

One Direction member, Louis Tomlinson chu solo career lamah a kal ṭan ta tak dawn a, tunah hian record deal a nei thar a, a hmabak chu a hriat ta hle. Louis Tomlinson hi Syco label nen inremna an ziak fel ta a, he label hi Simon Cowell-a ta a ni a, Simon-a’n a chharchhuah leh a siam len hi a enkawl zui zel dawn a nih ber hi. Louis chuan, “Hming kan ziak fel ta hi ka lawm hle. Syco nena inzawmna kan nei chhunzawm tur hi ka phur hle a ni,” a ti. Simon Cowell pawh a lawm hle niin an sawi a, ama chhar chhuah ngei maiin a hnen a pan hi a hlim hle. One Direction member dangten label dang an pan chungchangah a lawm vak lo niin an sawi.