Noel Gallagher a ti ṭha leh si

We Love Manchester benefit concert-ah khan a kal ve ta lo nachungin Oasis-a mi Noel Gallagher hi a ti ṭha ve leh tlat thung si. ‘Don’t look back in anger’ aṭanga a hlepte We Love Manchester campaign atan a pe vek.

Pathiannia Manchester-a concert-ah khan Noel Gallagher hi a tel loh avangin a unaupa, Liam chuan thupha a chawisak a, chutih pah chuan a sawisel zui bawk. Hei vangte pawh hi a niang, Noel hi a inthiam chiah lo a nih hmel, ‘Don’t look back in anger’ hralhna aṭanga a hlepte Manchester Arena-a bomb puak tuarte ṭanpui nan a pe ta vek a ni.

We Love Manchester benefit concert-a Liam a lan laia Noel a lang lo kha mi tam tak chuan an hrethiam lo a, mahse Noel-a lam aṭanga thu a awm danin an sawm chiah lo a nih hmel. Tel tura an ngaih a ni nachungin tel tura sawmna a dawng lo a, chuvang chuan a kal ta lo an ti.