Adam West Batman changtu a thi

Kum 1960 chhoa TV series-a Batman film-a a changtu, Batman film lo larpui hmasatu, Adam West chu kum 88 mi niin, Leukemia natna avangin Zirtawpni kalta khan Los Angeles-ah a thi tih a chhungte chuan an sawi.

Adam West hi khawvelin Batman a hriatlarna hmasaa a changtu a ni a, Batman film a hlawhtlin chhung chuan West hi theihnghilh a ni tawh lo ang. A chhungte chuan Inrinni khan, “Lungngaihna namen lo nen he chanchin hi kan puan chhuah a ngai ta. Adam West chu nizan mai khan leukemia natna avangin a kal ta,” an ti.

Batman film a chan hnu hian film hrang hrangah West hi a inrawlh a, kum 2000 aṭang khan Family Guy-ah khan aw a thawh a, he show siamtu Seth McFarlane chuan a uizia thu hahipin a sawi.