Lorde-i’n Manchester aṭangin tour bul a ṭan dawn

New Zealander zaithiam Lorde chuan khawvel hmun hrang hrang fangin tour a nei dawn tih a puang a, tour a neih ṭanna tur hi Manchester khawpui a ni.

Lorde hian social media aṭangin tour a neih tur thu hi a puang chhuak a, Twitter-ah international tour hi September thla khian Manchester khawpuiah a ṭan dawn tih a tarlang. Lorde hian Manchester leh Europe-a tour a neih ni 15 chhung tur a puang a, Manchester-ah hian September 26 khian Apollo-ah a concert ang.

Lorde tour hi Melodrama album tihlarna atana a tih a ni a, he tour-ah hian New Zealand leh Australia te pawh a fang dawn. Lorde hming tak hi Ella Yelich-O’Connor a ni a, a album thar Melodrama hi June 16 hian a tichhuak ang.