Sam Smith a rawn kir hnai ta

‘Stay with me’ nen khawvel a rawn chuankai meuh chuan a hla an play sup sup a, kalna apiangah a zai hriat tur a awm a nih kha. Khami hnu khan Sam Smith hian music a chawlhsan rih a, tunah erawh a rawn kir hnai ta.

Sam Smith hian a zai hmangin khawvel chu a zûnah a uaitir a, kum 2015 aṭang khan a reh ta vang vang a, music thar a rawn tichhuak leh ta lo. Mahse kum 2017 a thlen chuan music thar kan hmu hnai. Sam Smith hian Instagram-ah thlalak a dah chhuak a, a caption-ah ‘recording’ a dah. Heti a nih chuan hla thar a record mek tihna a ni a, a rawn lang thuai ang. Kum 2016 chhung khan music thar atan a inbuatsaih niin an sawi.