Zawlkhaw Dingdi nen Mathlenga a la ding zel

A vawi hnih nan Mathlenga music video 'Zawlkhaw Dingdi' chu ICFAI Ṭhazual Lengzem chart-ah pakhatna a ni leh. Mathlenga hian 'Zawlkhaw Dingdi' hla hmanga pakhatna a luah hmaa Ṭhazual chart-a pakhatna a luah hnuhnun ber chu kum 2015 daih tawh khan a ni a, 'Mizo thawnthu' hmangin pakhatna hi a luah. Kum hnih deuh thaw a kal hnuah pakhatnaah a vawi hnih nan Mathlenga hi kan hmu leh.

Kum 2015 hnua kum 2017-a a rawn lan leh hun inkarah hian Mathlenga music video, chart-a kan hmuh a awm lo hle. Hemi hun

chhung hian Mathlenga hi a awm mai mai tihna a ni lo a, fam ngaih hla ang chi a siam nual a, hengte hi chart-a han lang chi a ni chiah lo. Hengte avang hian chart aṭanga thlir ngawt chuan a reh rei hle mai a tih theih.

Michael M. Sailo hla hnuhnung ber 'Thinlai hnemtu' tih chuan Ṭhazual chart-ah record siamin chart-a kal chak ber a ni a, he hla hi chart-a a vawi hnih lannaah pahnihna a ni nghal thei. Michael-a a fam ta a, a music leh a hnuhma erawh chuan Mizote thinlung a la luah hle. C. Sanga hla 'Lungrunpui' chu pathumnaah kan hmu bawk. Top 10 aṭangin Feli Fanai hla, 'Theih chang se' a chhuak a, Lilzo hla thar 'Ka pa' tih a rawn lang thar thung.

ICFAI Ṭhazual Lengzem

1 Mathlenga - Zawlkhaw Dingdi

2 Michael M Sailo - Thinlai Hnemtu

3 C Sanga - Lungrunpui

4 Manuna - Duhaisam

5 Intonation - Tlai khat

6 Marshall FK ft Ruatfeli - Fa­hrah nun

7 Aziri - Engvangin nge

8 Lilzo - Ka pa

9 Pantei - Tawnmang

10 Casey's Secrets - Duhaisam