Peter Andre-a’n a fate phone khawih a phal lo

‘Mysterious Girl’ hmanga 90s chhoa pop star lar leh hlawhtling em em Peter Andre chuan a fate phone khawih a phal lo. An len deuh hnuah chauh an la khawih ang.

Mi tam tak chuan naupang phone khawih­tir hi an duh lo reng a, Mizo nu leh pa chauh ni loin, sap chhungkuaah pawh a ni. Naupang phone khawihtir duh lo langsar ber chu Peter Andre a ni. Peter Andre hian fa pahnih - kum 9 mi Princess leh Junior, kum 12 mite a nei a, a fate hi phone khawih a phal lo. Rilru naupang leh thianghlim taka a theih anga rei awmtir a duh.

Peter Andre chuan, “Phone an khawih tawh chuan, an khawih reng tawh dawn a, social media-a an lut a nih phei chuan an chhuahsan tawh dawn lo. Chuvang chuan a theih anga rei chu chu­tianga an awm loh nan vên ka duh a ni,” a ti. Heng a fate hi a nupui hlui, Katie Price nena an fate an ni. An nu, Katie Price erawh Andre nen an inang lo hle a, nikum khan a fate chu Instagram account neih a phalsak avangin sawisel pawh a tawk viau.