Halsey a rawn hlawhtling ta

Kum 2015 khan MTV Europe Music Awards-a Artist on the Rise award dawngtu hian Billboard 200 chart-ah pakhatna a la luah lo a, tunah chuan tuma pawhthlak theih rual a ni tawh lo. Halsey hian a studio album pahnihna hmangin Billboard 200 chart-ah pakhatna a rawn luah.

Kum 2016 khan The Chainsmokers nena an sak ‘Closer’ chu a hit hle a, tunah chuan midang behchhan ni tawh loin, Halsey ngei a hlawhtling ta. Billboard 200 chart tihchhuah tharah Halsey hi a album thar ‘Hopeless Fountain Kingdom’ hmangin pakhatnaah a rawn invawrh. He album hi kar liam ta chhung khan copy 106,000 hu a hralh a, heng zinga copy 76,000 hi album pangngai a ni.

Halsey album hmasa pawh kha a ropui viau a, kum 2015-a a tihchhuah Badlands khan pakhatna luah zo lo mah se, chawlhkar khat chhunga hralh hnem hrim hrimah chuan tuna a album thar ai hian a hralh hnem zawk a, copy 115,000 zet a hralh a, pahnihnaah a awm a nih kha. Tuna a album ‘Hopeless Fountain Kingdom’ album aṭanga single-a a tihchhuah, ‘Now or Never’ chu Billboard Hot 100-ah top 40-ah a lang bawk.

Kendrick Lamar album ‘DAMN’ hi a tlahniam tak tak thei lo a, chawlhkar liam taa Nielsen Music-in album hralh tam lam a chhinchhiah danah hralh hnem pa­hnihna a la ni thei fan. Chawlhkar kalta khan copy 73,000 zet mai a la hralh thei. “Epic AF” chu 11-na aṭangin pathumnaah a rawn dawk chhuak a, kar liam ta khan copy 49,000 an hralh.

Billboard Hot 200

“Hopeless Fountain Kingdom” - Halsey (106,000)

“DAMN” - Kendrick Lamar (73,000)

“Epic AF” - Various Artists (49,000)

“Sgt. Pepper’s Lonely Hearts Club Band” - The Beatles (45,000)

“This One’s for You” - Luke Combs (43,000)

“More Life” - Drake (42,000)

“Divide (division sign)” - Ed Sheeran (40,000)

“Summer Latin Hits 2017” - Various Artists (34,000)

“Last Young Renegade” - All Time Low (33,000)

“24K Magic” - Bruno Mars (32,000)