Los Angeles-ah 'House of the Dragon' premiere a ni ta

HBO big budget series thar, Game Of Thrones prequel 'House of the Dragon' chu Nilaini khan Los Angeles-ah premiere a ni.

'House of the Dragon' premiere-ah hian achangtute leh film siamtute an inlan ṭha angreng hle a, amaherawchu co-creator/executive producer ni bawk, GOT leh 'House of the Dragon' series siam a nih theih chhan bulpui ber George R.R Martin erawh a Covid vangin a inlan thei lo.

Episode hmasa ber screening an neih hmain HBO leh HBO Max Chief Content Officer Casey Bloys chuan Martin chu Covid-19 a lo positive vangin a inlan thei lo tih sawiin, kar hmasa lawka San Diego Comic Con-a 'House Of the Dragon' panel-a a ṭhut vena aṭanga hri kai a nih an rin thu a sawi.

'House of the Dragon' hi George R.R Martin-a lehkhabu ziak 'Fire & Blood' behchhana siam niin Game of Thrones hma kum 200 vela thil thleng anga chan a ni.

Inrinni liam ta khan Comic Con-ah 'House of the Dragon' panel-ah Martin hi co-creator/executive producer Ryan J. Condal leh achangtute nen an inlan hoa, panel lun ber zinga mi a ni nghe nghe.

He series hi August 21 hian tihchhuah ṭan a ni tawh dawn a, season hmasa berah hian episode 10 a awm dawn tih chiang tawhin Paddy Considine, Emma D'Arcy, Matt Smith, Olivia Cooke, Steve Toussaint, Eve Best, Fabien Frankel, Sonoya Mizuno leh Rhys Ifans-te chu achangtu turte an ni.

George R.R Martin chu a Covid avangin a inlan ve thei lo.