Ed Sheeran: Spotify-a artist follower ngah ber

British singer Ed Sheeran chuan Spotify lamah record thar a siam leh ta. Artist zinga Spotify-a follower maktaduai 100 nei tling thei hmasa ber a ni!

Kum 32 mi 'Photograph' hitmaker hi streaming platform-a artist follower ngah ber a ni ta a, hemi lawmna atan hian social media lamah video post-in chuta a t-shirt hakah chuan “ASK ME ABOUT MY 100 MILLION SPOTIFY FOLLOWERS" tih a inziak nghe nghe.

Sheeran tih lohah hi chuan Ariana Grande chu follower ngah ber niin mtd 81.64-in an follow a ni. Billie Eilish chuan dawtin follower mtd 66.18 a nei a, Drake chuan 65.40 nei bawkin Justin Bieber chuan 63.49 a nei ve bawk.

Grammy award pali lai dawng tawhtu Sheeran hian March 2020 khan Spotify-ah hian followe mtd 50 a nei tling tawh a, kum hnih chuang hret a ral hnuah a leta tam follower a nei leh thei a ni. Thla hmasa khan an ram UK-a artist zai an play tam ber anih thu tarlan a lo ni tawh bawk.