Sum lakluhah Pirates tharin a hlui a la tluk lo

Pirates of the Caribbean thar ber, Dead Men Tell No Tales chuan a hlui, On Stranger Tides kha North America-ah a la tluk lo. Dead Men Tell No Tales film hian kar tawp chhung khan USD mtd 10 a lakluh belh leh a, hengte nena North America aṭanga sum a hmuh tawh zawng zawng chu USD mtd 135.8 a ni. On Stranger Tides khan North America aṭangin USD mtd 240 lai a hmu tling thung. Curse of the Black Pearl phei kha chuan USD mtd 421 zet a lalut.

Khawvel pum huap chuan Dead Men Tell No Tales hian sum a lalut hnem tawh hle a, USD mtd 600 zet a tlin tawh. He film-in sum a lakluh zawng zawng zinga zaa 77 hi ram dang aṭangin a ni a, zaa 23 chu North America aṭangin a ni.