Tropic area-ah ruahtui a tam zel dawn

NASA-in a zirchian­naah chuan khawvel lum zelin Tropical area a nghawng dan tur chu ruahtui a tam zel dawn niin a tarlang. Tropical area kan hian Equator leh a chhehvel bawr, Tropic of Cancer aṭanga chhim lamah Tropic of Capricorn inkar hi a ni.

NASA hnuaia scientist rual, Hui Su kaihhruai­tena an zirchiannaah chuan khawvel lum zel avang hian Tropical area-ah hian ruahtui a tam tial tial dawn a, chumi a nih chuan India-ah chuan tuilian, Mizoramah chuan leimin pawh kum telin kan hmachhawn nasa tial tial dawn tihna a ni.

Tropical area hmun sang lama awm ṭhin chhûm chuan lum a pawm a, hetiang chhûm hi a tlem zel chuan tropical atmosphere hi a vawt (dai) dawn a ni. Tun kum 10 vel chhunga chhûm awm dan danglam dan aṭangin, hetiang, hmun sang taka chhûm awm ṭhin hi a insiam tlem zel dawn niin a lang a, a chhan ber chu khawmual chung a lum tial tial vang a ni. Hei hian tropical rainfall pawh a ti nasa lehzual dawn a ni an ti.

Tropic area chung zawna chhûm inlumleh dan hi kum 30 chuang zet an lo thli thlai tawh a, an lo zirchianna aṭang hian khawlum zel avang­in boruak hmun sangah chhûm a tlem tial tial tih hi an hmu a ni.