Oasis inzawmkhawm a la hla

One Love Manchester benefit concert aṭang khan Oasis member, a bikin Liam leh Noel Gallagher te unauin thawm an nei lian leh hle a, hei vang hian mi tam tak chuan Oasis hi inzawmkhawm leh mai tur angin an ngai deuh a, mahse a ni lo. Liam Gallagher chuan Oasis chuan band anga an tih tur an ti zo tawh niin a sawi a, inzawmkhawm leh lampang chu a lang lo hle.

Oasis band kehdarh chhan hi kum 2009 thil thleng kha a ni ber. Hemi kum hian Paris, France-ah an zai a, backstage-ah Liam leh Noel te unau hi an insual a, khata ṭang kha chuan thil a pang­ngai thei ta lo. Liam hi a unaupa Noel chungah a la lawm thei lo a, Noel pawhin inzawmkhawm leh hi a la duh thei lo.