Jay-Z te nupa an la hausa ber

Khawvela milar nupa zingah chuan Jay-Z leh Beyonce hi tuman man hausak lamah an tluk thei lo chu a ni e, Forbes-in nupa tuak sum lalut hnem a tarlanah an hausa leh ber.

Jay-Z te nupa hian thla 12 chhung khan USD mtd 147 an lalut a, nupaa sum lakluhah milar dang tuman an tluk lo. Jay-Z te nupa sum lakluh zatah hian a tam zawk daih hi Beyonce lakluh a ni.

Entertainer zinga sum lalut hnem tarlanah Beyonce hi sum lalut hnem ber pahnihna a ni a, kum khat chhunga a sum lakluh hi USD mtd 105 zet a ni a, a bakah USD mtd 42 hi a pasal Jay-Z lakluh a ni. Beyonce-i sum lakluhna lian chu a album Lemonade te, a tour te, Pepsi nena an sumdawn dunna te, leh sumdawnna dangte a ni.

Jay-Z sum lakluhna lian ber hi Touring deal a ni a, hei bakah Made In America festival aṭangin sum a lalut nual a, sumdawnna kawng hrang hrang dangah sum a la thawk chhuak ṭha hle.