MCU film panga velah Harry Styles a inlan dawn, an ti

Harry Styles hi 'The Eternals'-ah khan Eros lemah changin a tawpah a inlan zuai tawh a, kha chiah kha MCU-a kan hmuhna tur a nih loh hmel.

Khawthlang media ṭhenkhatin an report dan chuan Thanos-a unapa lemah hian 'Watermelon Sugar' hitmaker hi a chan chhunzawm dawn a, film panga vela inlan turin inremna an ziak tawh niin an sawi.

Hetihlai hian thuchiang engmah a la awm lo thung a, Zitawpni zan khan Los Angeles lama source pakhat chuan hemi chungchang hi The Sun a hrilh a, thuchiang erawh a hriat theih thuai a rinawm.