O2 kawtah Take That Record an siam vanga chawimawina

British pop music group hlawhtling, tun thlenga huhang la ngah em em Take That chuan O2-a record an siam avanga chawimawi nan O2 kawt­ah darthlalang hmangin an sculpture siam a ni.

Gary Barlow, Mark Owen leh Howard Do­nald te hian O2-ah hian headline show vawi 25 zet an nei a, kum 2011 leh 2015 te khan BRIT Awards-ah an perform bawk. Hei bakah hian kum 2014-a Jingle Bell Ball-ah te, kum 2015-a Wear The Rose-ah te an lang bawk a, hengte nen hian London-a O2 Arena hman theiha an hawn hnua perform hnem ber a ni. Chu mai bakah He hmuna an show zawng zawngah hian tic­ket 385,000 zet hralhin, zaithiam zinga O2-a show nei tawh zawng zawng zinga ticket hralh hnem ber an ni.

Kum 2007-a O2 arena an hawn aṭangin tuna Robbie Williams tel ve tawh lohna Take That hian, an member an kim lai aṭangin vawi 29 an perform tawh a, zaithiam zinga O2 arena-a perform ngun ber an ni. Tun thla hian O2-in kum 10 a tlinna an lawm chho mek a, chumi pual chuan Take That record siam chawimawina O2-ah hian Take That member lim chu darthlalangin an siam a ni.