MZI-in charity event buatsaih dawn

Tunhnaia Mizoram hmun hrang hranga khuarel chhiatna tuartute ṭanpui nan MZI chuan MZI branch dinna zawng zawngah Charity Event buatsaih turin a rel.

MZI hian charity event a buatsaih turah hian mobile concert neih te, concert lian tham buatsaih bakah, Cable TV kaltlanga Live Phone-in programme buatsaihte a tel a, a hun tur atan June thla aṭanga July thla chhung zawnga kalpui tura ruahman a ni.

Charity event hi MZI Gen. Hqrs-ah chauh ni loin, Mizoram hmun hrang hranga MZI branch dinnaah tawh phawt chuan buatsaih tur a ni dawn a, branch tinte pawh an hun hman dan tur anmahni remchanna anga lo ruahman tur tih an ni.