Bumblebee film kalhmang tur puang

Transformers film-a character hmuhnawm tak, Bumblebee kha a chanchin thlur bingna film siam chhoh mek zel a ni a, a film thawnthu ruang­am pawh chiang zawka puan chhuah mek a ni.

Bumblebee film-ah hian future leh nakina thil lo awm tur lam tihlan vak vak a ni dawn lo a, hun kal tawhah min kirpui thung dawn. Transformers film spin-off-ah hian kum 1980 chho velah mi kirpui dawn a, a thawnthu ruangam hi a ṭhat viau a rinawm, a ziaktute zingah pawh Michael Bay te, Steven Spielberg tih velte an ni tel daih ni.

Transformers film pangngai pawh a hnai tial tial a, a thawm a ring sawt tawh khawp mai. Transformers: The Last Knight hi June 23-a tihchhuah tawh tur a ni a, mihringte leh Transformers te inkara indona, mihringte damkhawchhuah nana thil pawimawh tak chu he leia Transformers te chanchin lo awm tawh hriat chhuah a ni. Optimus Prime a lang dawn loin an sawi.