Manchester Arena an la hawng dawn lo

Ariana Grande concert-na, a concert laia bomb a puahna, Manchester khawpuia Manchester Arena chu kum­in September thla hma zawng chuan hman theih­in an hawng dawn lo.

Manchester Arena-a bomb a puah avang hian thil tam tak a tichhia a, cheiṭhata siam ṭhat mek a ni. Hei vang hian September thla chawhma lam thleng hi chuan a hman theih dawn loh.

September thla hmaa a hman theih dawn loh avang hian zaithiam tam tak a tibuai. Mi 21,000 lenna arena-a zai tur a tihbuai zingah hian Celine Dion pawh a tel a, ani bakah Radiohead, Linkin Park leh Blink-182 te pawh an tel. Radiohead hian an concert-na tur hmun an sawn fel tawh a, a hmun an ruahman thar hi Old Trafford cricket ground a ni.